Sí keldu fyri Funksjón

[[Mynd:Gerade.svg|thumb|right|250px|Linjurøtt funksjón, vanlig forskrift: <math>f(x)=ax+b</math>.]]
'''Funksjónir''' lýsa eintýdda sambandið millum óhefta og hefta variabulin. Sambandið verður ásett á ymiskan hátt, so sum við rokniforskrift, við rás, við talvu og við [[Algoritma|algoritmu]]. Funksjón er forskrift, sum til ein og hvønn lut <math>(x)</math> í [[frummongd]]ini knýtir júst eitt tal, <math>f(x)</math>, í virðismongdini. Skipað talpar eru tvey tøl, sum eru skipað í raðfylgju: Skipað talpør verða skrivað í klombrum og við komma millum tølini, til dømis <math>(-3,5)</math>. At talpør eru skipað, merkir, at eitt nú <math>(1,2)</math> er ikki tað sama sum <math>(2,1)</math>. Fyrra talið í einum skipaðum talpari verður nevnt fyrri liður. Seinna talið í einum skipaðum talpari verður nevnt seinni liður. Eru eingir 1. liðir eins stórir í einari relatión, nevna vit hana funksjón. Eina mongd av skipaðum talpørum nevna vit eina relatión. Mongdina av 1. liðum í einari funksjón nevna vit [[frummongd]], og mongdina av 2. liðum nevna vit [[virðismongd]]. Sambandið millum 1. liðirnar og 2. liðirnar í einari funksjón nevna vit forskrift. Hon verður ofta skrivað <math>f(x)</math>, men eisini við øðrum [[Bókstavur|bókstøvum]], til dømis <math>h(x)</math> ella <math>g(x)</math>.

Ein linjurøtt funksjón er ein funksjón við forskriftini <math>f(x)=ax+b</math>, har <math>a</math> og <math>b</math> eru konstantar. <math>a</math> verður nevnt halltalið, og <math>b=f(0)</math> er skeringin við uppásina. Í krosskipanum verða linjurættar funksjónir teknaðar sum linjurættar myndir, vanliga kallaðar rættar linjur.

<gallery>
Mynd:Injection_keine_Injektion_2a.svg|Hetta er funksjón, tí eingir 1. liðir eru eins. Talpørini <math>(2,C)</math> og <math>(3,C)</math> hava sama 2. lið, men tað hevur einki at siga.
Mynd:Injection_keine_Injektion_1.svg|Hetta er ikki funksjón. Talpørini <math>(2,B)</math> og <math>(2,C)</math> eru ymisk, men tey hava sama 1. lið.
</gallery>

== Sí eisini ==

* [[Polynom á øðrum stigi]]

[[Bólkur:Algebra]]
[[Bólkur:Støddfrøði]]